Tag Archive for: Hugvit

GoPro Foris heildarlausn fyrir sveitarfélög

/in ,

Við hjá Hugviti bjóðum framúrskarandi mála- og skjalakerfið GoPro Foris sem heildarlausn fyrir sveitarfélög. Sveitarfélagapakkinn okkar inniheldur allar þær lausnir sem sveitarfélög þurfa. Við bjóðum einnig samþættingu við Ísland.is og sjálfvirka ferla við móttöku og útsendingu skjala úr kerfinu. Þessar lausnir styðja við stafræna ferla sveitarfélaga. Við bjóðum okkar lausn í ISO 27001 vottaðri kerfisleigu, sem þýðir að við tryggjum öruggt umhverfi, vöktun, afritaþjónusta og hýsingu. Lausnin okkar er hönnuð með það í huga að viðmótið sé notendavænt og fallegt.

Mála- og skjalakerfið GoPro Foris heildarlausn fyrir sveitarfélög

Mála- og skjalakerfið GoPro Foris fyrir sveitarfélög er heildstæð lausn og er meðal annars í notkun hjá Reykjavíkurborg, Seltjarnarnesi og Reykjanesbæ. Þessi sveitarfélög eiga það sameiginlegt að leggja áherslu á skilvirkni í málavinnslu, þar sem samþætting við O365 lausnir skipta máli. Auk þess sem sjálfvirkni í móttöku og skráningu umsókna, samþætting við Mannvirkjaskrá vegna meðhöndlunar byggingaleyfa og regluleg og ítarleg fundastjórnun er hluti af þörfum sveitarfélaganna. GoPro Foris uppfyllir þessar þarfir og með öflugri samþættingu við Office svítuna verður skjölun gagna og samskipta einföld og þægileg.

Sveitarfélagalausnir GoPro Foris

Hér er yfirlit yfir þær lausnir sem flest sveitarfélög þurfa og hjálpa til við að bjóða íbúum rafræna þjónustu og einfalda þjónustuferla.

  • Mála- og skjalakerfið GoPro Foris er samþætt við Ísland.is. Bæði fyrir sjálfvirka skráningu og móttöku umsókna sem og deilingu skjala í pósthólf á Ísland.is.
  • Byggingafulltrúalausnin okkar er samþætt við kerfi Húsnæðis- og mannvirkjastofnunar fyrir umsjón og skráningu byggingarleyfa og annarra umsýslu byggingarfulltrúa.
  • Mínar síður fyrir íbúa sveitarfélagsins, þar eiga umsóknir og samskipti sér stað. Hægt er að samþætta mínar síður við fjárhagskerfi og fleiri kerfi til uppflettingar
  • Fundakerfi GoPro Foris fundarkerfið sem öll umsjón funda á sér stað og er tengt við mála- og skjalakerfið. Það er hægt að búa til dagskrárliði í málakerfinu og setja fyrir á fundum. Hægt er að varpa fundargerðum beint á vef viðkomandi sveitarélags.
  • Viðmót skjalastjóra fyrir Rafræn skil til Þjóðskjalasafns Íslands, einfaldara yfirsýn yfir 5 ára skjalavörslutímabil, Þjóðskjalasafns Íslands eða Héraðsskjalasafns sveitarfélagsins.
  • GoPro Foris kerfið byggir allt á Microsoft Office sniðmátum og er mjög öfluga samþættingu við O365, má þar nefna við Teams og One Drive.
  • Með GoPro Foris fylgir hliðarstika (Add-In) í Outlook sem er þægileg leið fyrir notandann til að skjala pósta beint inn á mál í gegnum Outlook.
  • Rafrænar undirritanir skjala eru gerðar beint inn í kerfinu með undirritunarþjónustum frá þriðja aðila (Dokobit og/eða Taktikal).
  • Hægt er að deila skjölum í Signet Transfer, sem hentar vel fyrir velferðarsvið og barnavernd.

Auk þess bjóðum við líka Samningakerfi og Gæðakerfi sem einfalt er að bæta við og eru í sama viðmóti og skjala- og málakerfið.

Mælaborð með myndrænni sýn á stöðu mála

Við bjóðum upp á Mælaborð með myndrænni sýn á lykil árangursmælikvarða (e. KPI’s). Þá er auðveldara að fá yfirsýn og lesa úr upplýsingunum í GoPro Foris. Vinsæl mælaborð sem við höfum sett upp eru til að mynda til að fylgjast með málum og stöðu þeirra. Þar er hægt að sjá hvaða starfsfólk er að sinna málum og verkefnunum og greina hvort einhver sé með of mikið af málum á sinni könnu. Einnig er hægt að skrá tímamörk á mál og verkefni til að fá enn betri gögn úr kerfinu. Þetta hjálpar til við að deila álagi hjá sveitarfélaginu og gæta þess að standa við tímafresti mála.

Viltu heyra meira?

Endilega vertu í sambandi til að fá meiri upplýsingar,  tölum saman um þarfir fyrir mála- og skjalakerfi fyrir þig og þitt sveitarfélag. Þú getur smellt hér til að fylla út beiðni um fund og við verðum í sambandi við þig eins fljótt og auðið er.

Upplýsingaöryggi í forgangi hjá Hugviti

/in

Upplýsingaöryggi er mikilvægt

Sem betur fer hefur það færst í aukana að fólk, fyrirtæki og stofnanir eru orðin mun meðvitaðari um upplýsingaöryggi og hvaða afleiðingar það getur haft þegar öryggi er ekki nægjanlegt. Flest fyrirtæki og stofnanir eru að vinna með persónulegar og viðkvæmar upplýsingar um viðskiptavini sína. Það er mikilvægt að viðskiptavinir og einstaklingar geti treyst fyrirtækjum og stofnunum þegar kemur að upplýsingaöryggi. Þetta er lykilatriði til að viðhalda trausti og trúverðuleika. Ef það brestur þá er erfitt fyrir fyrirtæki að jafna sig og öðlast traust á nýjan leik.

Hvað er Hugvit að gera í upplýsingaöryggismálum?

Upplýsingaöryggi hefur ávallt skipt okkur hjá Hugviti miklu máli og hefur verið einn af hornsteinum okkar starfsemi. Við vinnum eftir vel skilgreindu þróunarferli sem er ISO 27001 vottað. Við erum reglulega með skannanir og prófanir á okkar umhverfi. Við fáum þriðja aðila til að gera innbrotsprófanir (e. penetration testing) og veikleikaprófanir (e. vulnerability testing). Við erum í stöðugu umbótaferli við að bæta öryggi okkar umhverfis og er upplýsingaöryggi er í hæsta forgangi hjá okkur.

Öryggi í kerfisleigu Hugvits

Kerfisleiga Hugvits er í ISO 27001 vottuðu hýsingarumhverfi og eru gerðar ítarlegar ráðstafanir til að tryggja öryggi í kerfisleigunni okkar. Meðal annars þá fara samskipti við kerfi í kerfisleigu Hugvits í gegnum IDS kerfi (Instrusion detection systems). Það þýðir að IDS er einskonar öryggisvörður sem passar að öll samskipti séu vöktuð og fylgist með hvort eitthvað grunsamlegt sé á ferðinni  og ef svo er þá bregðast sérfræðingar Hugvits við. Öll samskipti eru einnig dulkóðuð og eingöngu eru leyfðir studdir staðlar. Við erum með aðskilnað á milli allra kerfa í kerfisleigunni sem þýðir að það eru sér vefir og keyrslustjórar fyrir hvert kerfi og sér gagnagrunnar og gagnagrunnstengingar fyrir hvert kerfi.Við tökum reglulega afrit af öllum kerfum og þau eru prófuð.

Microsoft Entra ID auðkenning í Azure

Viðskiptavinum Hugvits býðst að tengjast lausnunum okkar með Entra ID auðkenningu (áður Azure AD auðkenning). Þetta er skýjalausn frá Microsoft sem sett er upp í Azure Skýi viðskiptavina og bætir  upplýsingaöryggi. Þessi lausn eykur öryggi þannig að það bætir við auka lagi af öryggi á aðganginn. Til dæmis með fjölþátta auðkenningu (e. multi factor authentication, MFA) þá eru skilaboð send í símann líka. Þetta gerir mun erfiðara fyrir óprúttna aðila að komast yfir aðganginn. Það er ekki nóg að aukenna sig á einum stað heldur þarf líka kóða. Einnig er hægt að skrá aðganginn þannig að hann verði lykilorðalaus þannig að óþarfi er að muna öll lykilorð og er þá notast við til dæmis Microsoft Authenticator forritið í síma notanda.

Algengustu netárásir

Samkvæmt CERT-IS sem gegnir hlutverki landsbundins öryggis- og viðbragðsteymis vegna ógna, atvika og áhættu er varðar net- og upplýsingaöryggi eru þessar árásir algengastar:

  • Vefveiðar (Phishing Attacks): Árásir þar sem reynt er að blekkja einstaklinga til að afhenda persónulegar upplýsingar, eins og notandanöfn eða lykilorð, með fölsuðum vefslóðum eða tölvupósti
  • Lykilorðsárásir (Password Attacks): Árásir þar sem reynt er að komast inn  í kerfi með því að giska á eða brjóta lykilorð.
  • SQL Injection árásir (SQL Injection Attacks): Þessar árásir eru yfirleitt gerðar á gagnagrunn vefsíðna. Þarna reyna tölvuþrjótar að setja óæskilega kóða í gagnagrunn og fá þá aðgang eða stjórna gögnum án leyfis.
  • Skriptuárásir (Script Attacks): Árásir þar sem reynt er að keyra skrár eða skriftur á vefsíðum til að skaða þær eða stela upplýsingum. 
  • Cross-Site Scripting (XSS) árásir: Árásir þar sem reynt er að setja hættulegar skriftur á vefsíður, sem þá keyrast á tölvum notandans sem skoðar síðuna. Algengt er að XSS-árásir með það markmið að stela notendainnsláttum eða öðrum upplýsingum.
  • DDoS-árásir (DDoS Attacks): Árásir þar sem margar tölvur eru notaðar til að hámarka álag á netþjóninn og gera hann óaðgengilegan. Algengt er að DDoS-árásir valdi truflunum á netþjónum. Netþjónustan getur orðið mjög sein eða ekki virkað.

Viltu frekari fræðslu eða upplýsingar?

Við hjá Hugviti erum alltaf tilbúin að ræða málin um öryggismál, enda brennum við fyrir því og viljum tryggja að okkar lausnir standist upplýsingaöryggi. Einnig bjóðum við okkar viðskiptavinum að bæta við Entra ID auðkenningu til að auka öryggi við innskráningu notenda. Endilega hafðu samband við okkur með því að klikka hér.

Ný GoPro Foris námskeið

/in , ,

Viltu kynnast GoPro Foris betur?

Við hjá Hugviti bjóðum nú námskeið í GoPro lausnum með breyttu sniði. Markmið námskeiðanna er að bæta hæfni ykkar í lausnunum, kynna fyrir ykkur nýjungar og að auðvelda notendum GoPro Foris að nota kerfið.

Námskeiðin eru bæði fyrir almenna notendur, sem og fyrir umsjónarfólk og kerfisstjóra GoPro Foris. Námskeiðin eru sniðin að notendum hverju sinni og hægt er að velja fjarkennslu, staðkennslu í kennslustofu Hugvits eða við komum til ykkar og höldum námskeiðið á ykkar vinnustað. Allt það sem hentar ykkur best.

Endilega skoðið nýju námskeiðin okkar hér og skráðið ykkur eða verið í sambandi við okkur.

Einnig viljum við minna ykkur á að hjá Hugviti starfa fjöldi ráðgjafa sem vilja endilega aðstoða ykkur ef ykkur vantar svör eða ráðgjöf ekki hika við að heyra í okkur.

Hugvit er Framúrskarandi fyrirtæki 2023

/in ,

Hugvit er eitt fyrirtækja í úrvalsliði þeirra sem standast kröfur Creditinfo sem Framúrskarandi fyrirtæki 2023.

Framúrskarandi fyrirtæki eiga það sameiginlegt að vera stöðug fyrirtæki sem byggja rekstur sinn á sterkum stoðum og efla hag allra. Til þess að teljast framúrskarandi þurfa fyrirtækin að uppfylla ströng skilyrði í rekstri, gegnsæi, eiginfjárhlutfalli og fleiri þáttum sem meta afkomu fyrirtækja.

Það er mikil heiður að hljóta viðurkenninguna, en Hugvit hefur verið á lista frá 2011 en félagið í heild hefur verið frá upphafi undir nafni GoPro hefur verið á lista frá upphafi. Þennan árangur í rekstri staðfestir frábæra vinnu starfsfólks, sem byggir á traustum viðskiptavinum.

Stjórnarráðið velur GoPro Foris fyrir alla sína starfsemi

/in

Skrifað hefur verið undir samning um kaup ráðuneytanna á nýju mála- og samskiptakerfi byggt á GoPro Foris, frá Hugvit hf.

Þessi kaup eru í framhaldi af umfangsmiklu útboðsferli á EES svæðinu á nýju mála- og samskiptakerfi, sem bæði innilendir og erlendir aðilar tóku þátt í

Viktor Jens Vigfússon framkvæmdastjóri Umbru og Ólafur Daðason framkvæmdastjóri Hugvits

Hið nýja kerfi mun byggja á GoPro Foris upplýsingakerfinu, en það kerfi hefur verið í þróun undanfarin áratug. GoPro Foris kerfið er íslenskt og er eitt stærsta þróunarverkefni íslensks hugbúnaðarfyrirtækis. Lausnin sem um ræðir er umfangmikil og felur í sér skjala- og málavinnslu ásamt fundakerfi fyrir ráðuneyti og Ríkistjórn Íslands. Einnig mun lausnin ná til lykil ferla, tengingar við Microsoft 365 lausnir eins og Office og Teams, auk samþættingar við önnur lykil kerfi stjórnsýslunnar.

Lausnin er eitt af mörgum púslum í stafrænni vegferð hins opinbera þar sem upplýsingakerfi eru uppfærð með það að markmiði að bæta skilvirkni og þjónustu við almenning, en á sama tíma styðja við lög- og reglugerðir sem snúa að stjórnsýslu og mála- og skjalastjórnun.

„Það er okkur hjá Hugvit mikill heiður að fyrirtækið hafi verið valið í kjölfar af svo umfangsmikils valferils og jafnframt spennandi fyrir starfsfólk Hugvits að fá að vera þáttakandi í þeirri framsæknu stafrænu vegferð sem Stjórnarráðið er í um þessar mundir og vinna þannig að framtíðar lausnum fyrir opinberra stjórnsýslu“

segir Jón Alvar Sævarsson Sölu- og markaðsstjóri Hugvits.

Nýjungar í GoPro

/in

Kynning á nýjum útfærslum í GoPro í nóvember var vel sótt af viðskiptavinum, þar var bæði kynnt viðmót fyrir skjalastjóra og ýmsir nýjir möguleikar fyrir stjórnendasýn á gögn. Nýjungarnar byggja á samstarfi og óskum notanda og auk þess styðja þær við nýjar reglur um skjalastjórn nr. 85 frá Þjóðskjalasafni Íslands sem hafa tóku gildi 1. febrúar 2018. Jafnframt var farið yfir nýja möguleika á útfærslum fyrir mælaborð í GoPro, þar sem hægt er að vera með myndræna sýn á vinnslu og framgang mála ásamt GDPR skýrslum.

Húsfyllir var á fundinum og þökkum við þann mikla áhuga sem viðskiptavinir sýndu.

Þeir sem vilja kynna sér þessar nýjungar betur er bent á að hafa samband

GoPro nýjungar vegna GDPR

/in ,

Ert þú tilbúin fyrir nýja persónuverndarlöggjöf?

Þann 8. maí kynnir Hugvit nýja nálgun í lausnum fyrir persónuvernd.
Kynningin verður haldin á hótel Hilton Reykjavík Nordica, kl. 8.15 – 10.00.

Hugvit hefur undanfarið ár lagt mikla áherslu á að ná leiðandi stöðu á sviði lausna persónuverndar í mála-, skjala-, ferla- og GDPR kerfum.

Á fundinum mun Hugvit kynna uppfærða vörulínu GoPro kerfanna, þar sem ný tækni sem tekur til persónuverndar er samþætt inn í högun kerfanna með innbyggðri og sjálfgefinni persónuvernd (e. privacy by design).

  • Ný virkni í grunnkerfum – GoPro Foris mála-, skjala- og GDPR kerfi
  • Ný tækni fyrir sérkerfi, fyrir þá aðila sem þurfa sérhæfðar lausnir

Kynntar verða aðrar aðgerðir og samningar Hugvits, þ.m.t:

  • ný persónuverndarstefna fyrirtækisins og hvernig hún einfaldar viðskiptavinum að uppfylla ákvæði laganna
  • upplýsingaöryggisstefna Hugvits og hvernig hún einfaldar viðskiptavinum að uppfylla ákvæði persónuverndarlaga
  • vinnslusamningur, sem tekur á kröfum sem gerðar eru til ábyrgðaraðila og vinnsluaðila í nýjum persónuverndarlögum

Upplýsingakerfi eru lykilþáttur í hlýtni við ný persónuverndarlög. Hugvit setur markið hátt og við hlökkum til að kynna þessar nýjungar fyrir viðskiptavinum okkar. Skráning stendur yfir hér.

GoPro afhendir vörsluútgáfu

/in

GoPro afhenti á dögunum fyrstu vörsluútgáfu á skjalavörslukerfi samkvæmt nýjum ADA staðli til Þjóðskjalasafns Íslands. Löng vegferð býr að baki þessari afhendingu og mikil þróun. Í kjölfar þess héldum við morgunfund með skjalastjórum til að ræða ferlið við rafræn skil vörsluútgáfu.

Rafræn skil

Rafræn skil

Húsfylli var á fundinum og þökkum við þann mikla áhuga sem sýndur var. María Hjaltalín rakti ferlið við undirbúning og framkvæmd skila. Ásta H. Ásólfsdóttir, tækniþróunarstjóri GoPro Foris lausnarinnar, lýsti auk þess nýjungum sem styðja við þessa vinnu.

Fulltrúi frá Þjóðskjalasafni Íslands tók við spurningum skjalastjóra sem sneru beint að Þjóðskjalasafni, og þökkum við S. Andreu Ásgeirsdóttur kærlega fyrir komuna.

Eins og fram kom á fundinum er þetta metnaðarmál bæði skilaskyldra aðila, Þjóðskjalasafns og okkar hjá Hugviti. Við höldum nú ótrauð áfram með rafræn skil með góða reynslu og mikilvæg verkfæri í pokahorninu.

Umsjón funda og deiling gagna með GoPro

/in

Verið velkomin á kynningu hjá okkur, fimmtudaginn 23. nóvember!

Við kynnum spennandi nýjungar með deilingu gagna til ytri aðila. Svo kynnum við Fundakerfið okkar í nýja GoPro Foris viðmótinu og skoðum nokkur dæmi um hvernig það er notað, bæði fyrir stjórnarfundi sem og almenna afgreiðslufundi.

Í boði er morgunkaffi og með því. Skráning er frjáls meðan húsrúm leyfir.

Allir GoPro notendur eru velkomnir og kynningin er notendum að kostnaðarlausu.

Við hlökkum til að sjá þig.

Starfsemi Hugvits er ISO 27001 vottuð fyrir upplýsingaöryggi

/in

Upplýsingaöryggi er einn af hornsteinum hugbúnaðarþróunar hjá Hugviti. Mikilvægi öryggis í upplýsingatækni hefur stóraukist á undanförnum árum og því hefur Hugvit sett sér metnaðarfull markmið um að styðja við og standast auknar kröfur.

Blað var brotið þegar stjórnkerfi upplýsingaöryggis (ISMS) Hugvits fyrir GoPro málastjórnunarkerfið (e. GoPro Case management software solutions ) hlaut alþjóðlega vottun frá British Standard Institutions (BSI) á Íslandi. BSI vottaði kerfið samkvæmt ISO 27001:2013 staðlinum um upplýsingaöryggi í fyrra. Nýverið stóðst Hugvit endurskoðun sem staðfesti vottunina, en hún nær yfir bæði vöruþróunarferla, sem þjónustuferla, svo sem fyrir ráðgjöf, þjónustu og hýsingu.

„Upplýsingaleki og gagnatap er ein af mestu ógnum sem fyrirtæki og stofnanir þurfa að takast á við í dag. Það er því mikilvægt að fyrirtæki verndi þær upplýsingar sem varða fyrirtækin sjálf og samskipti við viðskiptavini. Stjórnkerfi upplýsingaöryggis sem er í samræmi við kröfur ISO 27001:2013 er stýrð aðferð til að hafa umsjón með trúnaðarupplýsingum er varða fyrirtækið svo þau haldast örugg. Það auðveldar fyrirtækjum að bera kennsl á núverandi og mögulega veikleika í upplýsingaöryggi og gerir fyrirtækinu kleift að grípa til aðgerða áður en skaðinn er skeður.“   – BSI

Regluleg endurskoðun er nauðsynlegur liður í því að viðhalda gildi slíkra vottana. Handbækur og gæðakerfi gera lítið gagn ef þeim er ekki viðhaldið og fylgt til hlítar. Hugvit hefur tekið þá stefnu að innleiða upplýsingaöryggi í menningu fyrirtækisins, þannig að nýir starfshættir verði sjálfsagður hluti af daglegri vinnu. Það ferli krafðist mikils undirbúnings og þátttöku starfsmanna úr öllum áttum, en hefur gefist einstaklega vel.

„Þessi vottun á sviði ISO 27001 upplýsingaöryggis er okkur mikils virði. Gífurleg vinna hefur verið lögð í að formfesta og rýna alla starfsemi okkar með tilliti til upplýsingaöryggis, samkvæmt þessum alþjóðlega staðli,“ sagði Helga Ingjaldsdóttir, fjármálastjóri og stjórnarmaður Hugvits.

„Upplýsingaöryggi er ein helsta áskorun upplýsingatækninnar í dag. ISO 27001 vottun Hugvits er í samræmi við áherslur okkar á að vera í fararbroddi við þróun og þjónustu traustra og öruggra lausna. Hún staðfestir mjög mikilvægan áfanga í að tryggja öryggi viðkvæmra gagna viðskiptavina okkar, bæði í þróun hugbúnaðar sem og í starfsemi okkar. Fyrir fyrirtæki sem selur lausnir út um allan heim er hún nauðsynlegur þáttur í því að byggja upp traust á fyrirtækinu.“

ISO 27001:2013 staðallinn var innleiddur í samræmi við innri öryggisstefnu Hugvits og GoPro, sem nær til þróunar, þjónustu, ráðgjafar, hýsingar, verkefnastjórnunar og reksturs upplýsingakerfa og stuðlar að markvissri vinnu við vernd á öryggi, leynd (confidentiality), réttleika (integrity) og tiltækileika (availability) mikilvægra upplýsinga.

Hvað er ISO 27001?

ISO 27001 staðallinn tekur til upplýsingaöryggis, tilgreinir kröfur sem viðkoma innleiðingu, viðhaldi og stöðugum endurbótum upplýsingakerfa og stjórnun þeirra í samræmi við tilskipað vinnulag.

Staðallinn felur einnig í sér kröfur um mat og meðferð á öryggisþáttum sniðnum að eðli fyrirtækjanna.