GoPro Foris er hægt að tengja með einföldum hætti við ýmsar innri og ytri lausnir. Þannig er hægt að styðja við þarfir notenda til að klára vinnuferla eins og að deila gögnum með ytri aðilum, undirrita rafrænt og nýta Ísland.is fyrir móttöku gagna – allt unnið beint úr GoPro Foris. Þetta eru staðlaðar lausnir sem einfalt er að bæta við.
Með auknum tengimöguleikum í GoPro Foris er nú bæði hægt að senda og móttaka gögn beint frá Ísland.is.
Birting gagna í Pósthólfi Ísland.is
Þessi lausn gerir notendum kleift að deila skjölum beint úr GoPro Foris í pósthólf á Ísland.is. Gögnin eru birt með sannarlegum hætti hjá móttakanda, sem auðkennir sig og getur þá nálgast þessi gögn í sínu pósthólfi hjá Ísland.is. Þetta er ígildi þess að senda ábyrgðarbréf til einstaklings eða lögaðila.
Móttaka gagna frá Ísland.is í GoPro Foris
Hægt er að móttaka gögn frá Ísland.is í GoPro Foris. Þegar gögnin berast í GoPro stofnast sjálfkrafa mál og málsaðili og innsend gögn vistast sem hluti af málinu. Þessi lausn skapar gríðarlegt hagræði og eykur öryggi í móttöku gagna frá ytri aðilum.
Þessar tengilausnir tryggja ekki eingöngu deilingu eða móttöku gagna, heldur tryggja þær rekjanleikja og skjölun á öllu sem viðkemur birtingu eða móttöku gagna til og frá Ísland.is.
Kynntu þér hvaða leið myndi henta þér til að ná fram aukinni hagræðingu í móttöku gagna.
Auðveldaðu umsýslu við undirritun rafrænna skjala. Hægt er að undirrita skjöl beint í GoPro Foris og senda gögn í undirritun til ytri aðila. Kerfið heldur utan um allan ferilinn og vaktar undirritun, ásamt sjálfvirki vistun og skráningu á breytingum á sögu skjals.
Þessi viðbótarlausn gerir fyrirtækjum og stofnunum mögulegt að vista gögn beint úr Teams í GoPro Foris. Þessi lausn byggir á viðbótar Add-In sem notendur setja upp í Teams og tengir Teams við GoPro Foris.
Með samþættingu við Teams er hægt að vista skjöl og spjall beint úr Teams inn á mál í GoPro Foris. Þetta sparar mikinn tíma við skjölun á gögnum úr Teams í GoPro Foris.
Einnig auðveldar þetta stofnunum sem eru skilaskyldar til Þjóðskjalasafns Íslands að uppfylla reglugerðir varðandi skjalastjórn og varðveislu gagna.
Með þessari samþættingu við MS OneDrive er hægt að stilla skjöl í GoPro Foris þannig að margir geti unnið samtímis í skjalinu beint úr viðmóti GoPro Foris. Skjalinu er deilt í OneDrive, þar sem hægt er að vinna í því ásamt þeim aðilum sem skjalið er deilt með og vistast allar breytingar sjálfkrafa um leið og unnið er í skjalinu.
Allar breytingar vistast og speglast yfir í GoPro Foris og þegar samtímavinnslu er lokið, er hægt að taka skjalið úr dreifðri vinnslu, svo lokaeintak er varðveitt á réttan hátt í GoPro Foris.
Gerir notendum kleift að deila gögnum á öruggan hátt beint úr GoPro Foris í ytri gáttir. Bæði er hægt að deila gögnum með þjónustugátt GoPro Foris, en einnig er hægt gera það beint á vefsvæði Signet Transfer.
Móttakendur þurfa að aukenna sig til að sækja gögnin og þannig er öryggi í gagnasendingunni eins og best verður á kosið.
Notendavæn leið fyrir þá GoPro Foris notendur sem eru að nota þjónustugáttina eða Signet Transfer fyrir gagnasendingar.
