Hugvit á alþjóðlegri skjalaráðstefnu ICA

ica-logo

Hugvit tekur þátt í alþjóðlegri ráðstefnu um skjalavörslu og varðveislu gagna sem haldin verður á Hótel Hilton Reykjavík Nordica dagana 28.-29. september 2015. Það eru samtökin ICA, eða Inernational council on archives, sem halda ráðstefnuna í samvinnu við Þjóðskjalasafn Íslands. Þetta er í þriðja sinn sem ráðstefnan er haldin og hefur verið lagður mikill metnaður í dagskránna. Hugvit býður ykkur hjartanlega velkmomin í heimsókn á kynningarbásinn okkar til að ræða málin og skoða það nýjast í GoPro. Hægt er að nálgast allar upplýsingar um ráðstefnuna og skrá sig hérna ICA2015.

Ný útgáfa: GoPro fyrir .NET 2.8

Ný viðhaldsútgáfa er komin út fyrir GoPro fyrir .NET. Útgáfan er kjörin fyrir viðskiptavini í GoPro 2.5 eða eldri, en hún inniheldur allar breytingar fyrri útgáfa auk nokkurra vel valinna umbóta.

Sem dæmi um nýjungar má nefna möguleikann á að breyta skráarheitum, sýna ‚Aðra starfsmenn‘ í málasjónarhorni og áframsenda marga tölvupósta í einu. Við hvetjum áhugasama til að hafa samband og fá nánari kynningu á nýjungum, en mikil þróun hefur átt sér stað í GoPro fyrir .NET undanfarin ár.

Hugvit er Framúrskarandi fyrirtæki 2014

FF_Undirskriftir_ISLHugvit hefur hlotið viðurkenninguna Framúrskarandi fyrirtæki 2014. Þetta árið föllum við í hóp 1,7% fyrirtækja landsins sem hlýtur þessa viðurkenningu CreditInfo, en alls eru um 33.000 fyrirtæki skráð og skoðuð.

Þetta er fjórða árið í röð sem Hugvit hlýtur viðurkenninguna, en hún sýnir hvaða íslensk fyrirtæki teljast til fyrirmyndar að teknu tilliti ýmissa þátta sem varða rekstur og stöðu þeirra samkvæmt mati CreditInfo.

Við erum stolt af því að halda þessum titli, ár eftir ár, og vonum að starfsmenn og samstarfsaðilar okkar haldi áfram að njóta góðs af styrkri stjórnun fyrirtækisins.

 

Þarft þú samningakerfi?

Samningar eru mikilvægur þáttur í rekstri allra fyrirtækja. Gerð og undirritun samnings er aðeins upphafið, því samninga þarf að vakta út líftíma þeirra. Eftir því sem fleiri samningar koma við sögu, því erfiðara verður að halda yfirsýn yfir allar þær dagsetningar, aðgerðir og ákvarðanir sem þeim tengjast. GoPro Samningakerfið er hannað til að létta á þessari byrði, skerpa yfirsýn og efla vöktun.

  • Samningar þurfa að vera auðfundnir og aðgengilegir
  • Mikilvægar ákvarðanir þarf að taka á réttum tíma til að forðast áhættu
  • Skýr yfirsýn samningsatriða forðar misskilningi milli samningsaðila
  • Fylgja þarf eftir samningsatriðum svo ekki komi til tafa og umframkostnaðar
  • Skrá þarf breytingar og athugasemdir á skýran og rekjanlegan hátt
  • Vakta þarf ábyrgðaratriði og tímamörk endurskoðunar
  • Halda þarf utan um samskipti samningsaðila

Láttu ekki tækifærin ganga þér úr greipum. Þar sem samningsatriði fara úrskeiðis liggur ekki aðeins við efnahagslegt tap, heldur hnekkir það á trausti og trúverðugleika. Góð stjórn samninga, sem stuðlar að betri vinnubrögðum og greiðari samskiptum, skilar sér í bættum rekstri og jákvæðari tengslum við viðskiptavini og samstarfsaðila. Traustara samstarf bætir þar að auki orðspor og ímynd fyrirtækisins. Þetta er enn mikilvægara fyrir opinberar stofnanir, eins og Ríkisendurskoðandi hefur nýlega bent á.

Samningakerfið leysir þessi atriði og meira til. Með GoPro Samningakerfinu forðast þú óþarfa tap, tafir og áhættu í rekstri. Það auðveldar samningagerð og umsjón samninga, með öflugri vöktun, skýru yfirliti, stöðluðum samningum og fullum rekjanleika. Kynntu þér málið. Hafðu samband og fáðu kynningu á GoPro Samningakerfinu í dag. Einnig bjóðum við upp á hraðnámskeið í GoPro Samningakerfinu á sérstöku tilboðsverði í febrúar.

Nýtt ár á nýjum vef

Við óskum öllum samstarfsaðilum og viðskiptavinum okkar gleðilegs nýs árs. Við byrjum árið á því að setja nýjan vef Hugvits í loftið, en hann hefur fengið ferskt útlit og við vonum að hann reynist notendum aðgengilegur og notendavænn.

Við hvetjum einnig viðskiptavini okkar til að skrá sig á póstlistann okkar, en við sendum þar út tilkynningar um morgunfundi, kynningar, ráðstefnur og nýjar útgáfur af GoPro vörunum. Einnig kynnum við þetta á Facebook síðu okkar, fyrir þá sem vilja fylgjast með.

Ef hugmyndir eða athugasemdir vakna um nýja vefinn, þá endilega hikið ekki við að hafa samband.

Morgunkaffi með Hugviti: Kynning á GoPro fyrir .NET 2.7

Við bjóðum viðskiptavinum okkar til morgunverðar þar sem við kynnum nýjungar í GoPro fyrir .NET, Samningalausnina og skýrslugerð í GoPro.

Að vanda förum við einnig yfir sniðuga notkunarmöguleika og svörum spurningum notenda.

 

Staður: Tunguháls 19, 4. hæð
Dags: 13. nóvember, kl. 8.30-10.00

Morgunkynningar okkar eru viðskiptavinum að kostnaðarlausu.

Við hlökkum til að sjá þig!

Ný útgáfa: GoPro fyrir .NET 2.7

Ný útgáfa GoPro fyrir .NET býður upp á öflugar nýjungar í skjalastjórnun, verkefnastjórnun og eykur hraða kerfisins.

  • Nýjungar í skjalastjórnun
  • Liprari verkferlar
  • Öflugar kerfisbætur

Nýjungar í skjalastjórnun

Berðu saman ólíkar útgáfur skjals með einni aðgerð í GoPro. Settu útgáfur og milliútgáfur í útgáfustjórnun til að fá betra yfirlit yfir tímalínu mikilvægra skjala. Skjöl fá nú skjalanúmer sem má flokka og leita eftir. Flyttu inn möppur með öllum undirmöppum og tilheyrandi skjölum – þú dregur einfaldlega inn efstu möppuna og hitt fylgir með. Auðveldara er líka að búa til skjöl eftir sniðmátum, því nýjar birtingarstillingar leyfa kerfisstjórum að velja hvaða sniðmát birtast í hverju samhengi.

Meira

Hvað þarf til fyrir rafræn skil til Þjóðskjalasafns Íslands?

Margar stofnanir hefja nú undirbúning að rafrænum skilum til Þjóðskjalasafns Íslands. Þetta er oft viðamikið og vandasamt verkefni. Við buðum því skjalastjórum opinberra stofnana sem nota GoPro fyrir .NET á morgunverðarfund til okkar síðastliðinn fimmtudag, til að skoða þessi málefni.

Við fengum kynningu á ferli rafrænna skila frá Þjóðskjalasafni Íslands, dæmi um rafrænt umhverfi frá Einkaleyfastofu og svo kynningu á Skilalausn Hugvits. Það er ljóst að þetta er málefni sem skjalastjórar hafa mikinn áhuga á, enda til mikils að vinna.

Við þökkum góðar undirtektir og vonum að allir hafi gengið út með skýrari sýn á undirstöður rafrænnar skjalavörslu.

GoPro AFIP lausnin sýnd á Fraud & Error ráðstefnu í Bretlandi

GoPro AFIP, sérlausn Hugvits fyrir eftirlits- og rannsóknardeildir fjármálafyrirtækja, verður til sýnis á Fraud & Error 2014 ráðstefnunni í London, 15. maí næstkomandi.

Þetta er í annað sinn sem GoPro AFIP er til sýnis á ráðstefnunni, en lausnin hefur frá upphafi vakið mikla athygli á alþjóðlegum vettvangi. Áhugi fyrir GoPro AFIP hefur stóraukist í Bretlandi undanfarið ár, en lausnin var samþykkt í bresku hugbúnaðarveituna G-Cloud á síðasta ári, sem miðar að því að auðvelda opinberum aðilum landsins kaup á hugbúnaði í skýinu.

Nánari upplýsingar má nálgast á síðu GoPro AFIP.

Rafræn skil til Þjóðskjalasafns Íslands

Hvað felst í rafrænum skilum?

Opinberum stofnunum og öðrum skilaskyldum aðilum ber skylda til að skila gögnum sínum til Þjóðskjalasafns Íslands. Í dag fara þessi skil að miklu leyti fram á pappír, þó svo að tæknin til rafrænna skila sé í boði. Rafræn skil gefa kost á að skila á þessum gögnum á rafrænu formi og draga þar með stórlega úr notkun og vörslu gagna á pappír.

Allar þær stofnanir sem hafa fengið samþykki Þjóðskjalasafns Íslands fyrir rafrænum skilum í dag eru að nota GoPro mála- og skjalastjórnunarkerfið. Þetta eru metnaðarfullar stofnanir sem eru leiðandi í skjalastjórn á Íslandi, svo sem Fjármálaeftirlitið og Iðnaðarráðuneytið, sem nú fellur undir Atvinnuvega- og nýsköpunarráðuneytið.

Kostir þess að flytja skil yfir á rafrænt form eru augljósir, en þar má nefna umtalsverða sparnaðar- og hagræðingarmöguleika, vistvænna verklag og auðveldara aðgengi að gögnum. Sú vinna og kostnaður sem innleiðing nýs verklags krefst getur hinsvegar hægt á framvindu skiptanna. Hugvit hf býður upp á sérstaka ráðgjafaþjónustu fyrir þessi atriði, en við höfum aflað okkur dýrmætrar reynslu í slíkum innleiðingum. Margt þarf að athuga, enda eru skilaskyldar stofnanir oft að vinna með mikilvæg og viðkvæm gögn.

Sækja þarf um leyfi Þjóðskjalasafns fyrir rafrænum skilum. Við meðhöndlun slíkrar umsóknar þarf að athuga kerfið sem er í notkun, sérlausnir og ýmis atriði í verklagi stofnunarinnar. GoPro hefur nú þegar fengið samþykki sem mála- og skjalastjórnunarkerfi í umsóknum framsækinna stofnana. Því getum við staðfest að kerfi okkar mætir þeim kröfum sem gerðar eru til mála- og skjalastjórnunarlausna fyrir rafræn skil, en endanlegt samþykki umsóknar byggir að sjálfsögðu á fleiri þáttum.

Rafræn skil eru, að okkar mati, eitt mikilvægasta verkefnið í skjalastjórnun í dag. Ráðgjafar Hugvits eru alltaf tilbúnir til þess að skoða þessi mál og aðstoða við innleiðingu kerfis sem mætir bæði ströngum kröfum samtímans og upplýsingaþörf framtíðar.

Kynntu þér málið og fáðu kynningu á Skilalausn okkar í dag.