Tilkynningar og fréttir frá Hugviti

Viðbragðsáætlun vegna Covid 19 vírusins

/in ,

Í ljósi þeirrar áhættu sem stafar af COVID-19 vírusnum vill Hugvit upplýsa alla viðskiptavini um viðbragðsáætlun okkar sem fellur undir ISO 27001: 2013. Við höfum gert sérstakar ráðastafanir sem fela í sér eftirfarandi ráðstafanir:

Starfsmenn sem sýna merki um einkenni sem tengjast COVID-19 eða hafa verið í nánu líkamlegu sambandi við einhvern sem sýnir einkenni þurfa að starfa að heiman í 14 daga í samræmi við viðbragðsáætlun stjórnvalda.

Aðrar ráðstafanir eru eftirfarandi:

  • Við tryggjum að lykilstarfsmenn hafi aðgang að viðeigandi, öruggum búnaði heima og hafi nauðsynlegan aðgang til að sinna skyldum sínum að heiman.
  • Skipaður hefur verið varamaður fyrir alla lykilstarfsmenn innan fyrirtækisins.
  • Við höfum komið fyrir auka hreinsiefni og handspritti á skrifstofum fyrirtækisins og aukið þrif á skrifstofum okkar.
  • Við munum forgangsraða notkun á netfundum og þjónustu á netinu í daglegri starfsemi.
  • Við erum að innleiða nýjar ferðareglur, stöðva ferðalög til áhættusvæða og fjögurra daga dvöl heima fyrir er skilyrði fyrir starfsmenn sem snúa aftur úr ferðalögum.

Hugvit / GoPro er með starfsemi í nokkrum löndum og mun flytja vinnuálag á milli skrifstofa eftir þörfum hverju sinni til að tryggja þjónustustig og framboð starfsfólks.

Ef COVID-19 mun hafa veruleg áhrif á viðskipti okkar munum við uppfæra þessar upplýsingar eftir þörfum á vefsíðum okkar www.gopro.net og www.hugvit.is

Reykjavíkurborg velur upplýsingastjórnunarkerfi frá Hugviti

/in

Það er mikil viðurkenning fyrir Hugvit að Reykjavík hafi valið okkur til að innleiða  nýtt upplýsingastjórnunarkerfi, í kjölfar útboðs á evrópska efnahagssvæðinu.

Við hjá Hugviti erum stolt af því að vera valið úr hópi þeirra sex fyrirtækja sem tóku þátt i þessu umfangsmikla og ítarlega 18 mánaða matsferli.

Reykjavíkurborg setti fram heilstæðar og framsæknar kröfur til nýs upplýsingastjórnarkerfi sem gerir miklar kröfur til hugbúnaðar og kallar á nýjustu tækni við að leysa á einfaldan og skilvirkan hátt fjölþættar  þarfir hina ýmsu sviða borgarinnar.

Hugvit hefur lagt mikið í þróun á nýrri línu af hugbúnaði undanfarin ár, sem lausnamengi borgarinnar verður byggt á. Lausnamengi sem snýr meðal annars að mála-, verkefna-, skjala- og ferlastjórnun auk innleiðingu á gæða-, funda- og samningalausnum.

Kerfið, sem hefur fengið nafnið Hlaðan, er umfangsmikið og nær til flestra sviða borgarinnar. Samningurinn er til 10 ára og hljóðar upp á tæpar 970 milljónir. Gert er ráð fyrir að fyrsti hluti uppsetningar hefjist í byrjun næsta árs.

„Þessi samningur er mikil viðurkenning á tækni sem við höfum þróað, sem og faglegri getu starfsfólks Hugvits. Við óskum Reykjavíkurborg til hamingju með þennan áfanga og við hlökkum til samstarfsins og þess að innleiða og þjónusta nýjar lausnir fyrir starfsemi borgarinnar“ segir Jón Alvar Sævarsson, sölu og markaðsstjóri Hugvits.

Hugvit skarar fram úr

/in

Hugvit er á meðal þeirra 2% íslenskra fyrirtækja sem uppfylla ströng skilyrði greiningar Creditinfo á Framúrskarandi fyrirtækjum 2018.

Við fögnum þessu og þökkum hið góða samstarf sem hefur gert okkur kleift að halda stöðugum vexti í öll þessi ár.

Hugvit er Framúrskarandi fyrirtæki 2017

/in

Það gleður okkur mikið að hljóta viðurkenningu Creditinfo fyrir Framúrskarandi fyrirtæki 2017. Þetta er í áttunda sinn sem Hugvit hefur náð þessum árangri, eða allt frá upphafi þess að viðurkenningin var fyrst veitt.

Við fögnum þessu og þökkum hið góða samstarf sem hefur gert okkur kleift að halda stöðugum vexti í öll þessi ár.

 

 

Nýjar reglur um skráningu mála og málsgagna

/in

Nýjar reglur um skráningu mála og málsgagna tóku gildi þann 1. febrúar þessa árs.

Við bendum öllum lögskyldum skilaaðilum á þessar reglur. Þær skilgreina nú í fyrsta sinn hvaða upplýsingar afhendingarskyldir aðilar skuli skrá um mál og málsgögn sem þeir hafa til meðferðar.

Notandavænt og aðgengilegt fundakerfi GoPro – í nýju viðmóti

/in

GoPro Fundakerfið er alhliða fundaumsjónarkerfi sem heldur utan um fundi, allt frá undirbúningi til lokaskjölunnar, á einfaldan og öruggan hátt.

Fundakerfið einfaldar fundastjórnun og auðveldar fundargestum aðgang að gögnum. Kerfið hentar sérlega vel fyrir umsýslu reglulegra funda, svo sem stjórnarfunda og nefndarfunda. Mál og gögn færast á einfaldan hátt fyrir fund og eru aðgengileg á vefnum. Fundakerfið er hannað með tilliti til snertiskjáa og snjalltækja, sem bæði fundarritarar og fundargestir njóta góðs af.

Með fundakerfi GoPro má á auðveldan hátt búa til dagskrárliði og láta viðeigandi upplýsingar og gögn fylgja með til fundargesta. Fundarritarar sjá hvað hefur verið sett á dagskrá og sýslað með efni funda, endurraðað þeim og búið til staðlaða fundargerð og dagskrá, í þægilegu viðmóti.

Fundargestir fá rafrænan aðgang að gögnum, yfirsýn á liðna og komandi fundi, og allar nauðsynlegar upplýsingar, án þess að þurfa aðgang að GoPro.

Hafðu samband og fáðu kynningu á fundakerfi GoPro.

Landsréttur og dómstólasýsla velja GoPro

/in

Ríkiskaup birtu nýverið niðurstöður útreikninga á tilboðum sem lögð voru fram fyrir útboð upplýsingakerfis Dómstóla og Dómstólasýslu. Við erum stolt af því að sjá að tilboð Hugvits, sem sambland af gæðamati og verðtilboði, hlaut 99/100 stigum samkvæmt valforsendum. Það verður spennandi að fara af stað með nýtt viðmót GoPro hjá nýrri stofnun og nýju dómstigi.

Við óskum starfsmönnum hjartanlega til hamingju með góðan árangur. Við þökkum dugnaðinn og eljuna sem fór í þessa vinnu, en markviss vinnubrögð náðu að skila topp einkunn þrátt fyrir knappa tímalínu.

Auk þess notum við tækifærið og óskum Ríkiskaupum til hamingju með metnaðarfullt og framsækið útboð, og þökkum við heimsóknina frá öllum sem tóku þátt í gæðaprófunum.

Hugvit er Framúrskarandi Fyrirtæki 2016

/in

Við erum stolt að hljóta enn á ný viðurkenningu CreditInfo fyrir Framúrskarandi Fyrirtæki 2016.

Það er okkur mikils vert að hafa náð þessum árangri frá upphafi, og viljum við þakka starfsfólki og samstarfsaðilum fyrir framlag sitt.

 

Stígðu skref inn í framtíðina

/in

GoPro stígur skref til framtíðar með nýjustu uppfærslu. GoPro er nú í boði í skýru og stillanlegu viðmóti sem umbyltir notendaupplifun og stóreykur afkastagetu. Uppbygging viðmótsins er vönum notendum kunnug, en ný tækni gerir upplýsingar aðgengilegri, aðgerðir fljótlegri og viðmótið þægilegra.

Stilltu þitt notendaviðmót eftir þínu höfði, fáðu forskoðun á skjöl, eða samþykktu rýni beint úr málasýn GoPro. Þetta og margt fleira er nú í boði og GoPro kerfið er öflugra en nokkru sinni fyrr. Nýja viðmótið er hannað með snertiskjái í huga og styður bæði Internet Explorer og Chrome.

Fleira er í útgáfunni en nýtt viðmót. Nýjar stýringar á aðgerðaréttindum notenda bætast við, ásamt öflugra dagatali, og ýmsum uppfærslum sem styðja upplýsingaöryggi.

Hafðu samband og fáðu kynningu á nýrri kynslóð GoPro lausna í dag.

* GoPro styður bæði nýtt og hefðbundið viðmót 

Hugvit og nýsköpun í íslensku atvinnulífi

/in

Samtök iðnaðarins standa nú fyrir átaki sem miðar að því að efla áherslur á hugvit sem auðlind til að byggja okkar velferð á. Við hjá Hugviti höfum alla tíð lagt áherslu á mikilvægi hugverka og nýsköpunar í íslensku atvinnulífi. Það er því okkar ánægja að veita verkefni Samtaka iðnaðarins, X-Hugvit, góðfúslegt leyfi fyrir notkun á nafni okkar í framtaki sínu, sem við styðjum heilshugar.

Við hvetjum áhugasama til að kynna sér verkefnið, en það miðar að því að vekja athygli á nýsköpun og skapandi hagkerfi á Íslandi.