Samningakerfi

GoPro Samningakerfið heldur utan um allt samningaferlið frá upphafi til undirskriftar. Kerfið eykur skilvirkni og eftirfylgni með stöðluðum verkferlum, stílsniðum, rýni, sjálfvirkum áminningum og skýru yfirliti yfir aðgerðir á samningstímanum. Kerfið er auðvelt í notkun og sparar bæði tíma og erfiði í skráningu og vöktun samninga. Með GoPro Samningakerfinu fæst fullkomið aðhald og yfirlit yfir alla samninga fyrirtækisins.

Kerfið veitir yfirsýn og aðhald með samningum
Samningsákvæði, dagsetningar og ábyrgðaraðilar eru skráðir og vaktaðir
Upplýsingar eru auðfundnar og aðgengilegar
Sjálfvirk innsetning staðlaðra upplýsinga fyrir samninga, tengiliði og skjöl
Sjónarhorn, dagatal og skýrslur gefa skýrt yfirlit yfir virka samninga
Gátlistar, sniðmát og tilkynningar bæta eftirfylgni
Rýniferlar og vöktun efla eftirlit og tilkynningar um samningsaðgerðir

Auðveldari skráning

Stílsnið samninga auðvelda gerð þeirra og sækja sjálfvirkar upplýsingar úr GoPro kerfinu. Þetta einfaldar gerð samninga þar sem fyrirfram ákveðin eigindi fyllast sjálfkrafa út. Einnig má tengja kerfið við Þjóðskrá, til að auðvelda enn fremur skráningu samningsaðila og tryggja að upplýsingar séu réttar.

Mögulegt er að varpa samningum og samskiptum við samningsaðila í vefgátt (GoPro Þjónustugátt) þar sem sérhver aðili hefur veftækan aðgang að öllum, eða völdum, samskiptum varðandi samninginn.

Öflugt eftirlit

Fyrirbyggðu vandamál með öflugri vöktun og eftirfylgni. Í Samningakerfinu má flokka samninga eftir tegundum, deildum og ábyrgð þannig að auðvelt er að fá yfirsýn yfir virka samninga. Hægt er að skilgreina aðgerðalista fyrir sérhverja tegund samninga með tímamörkum og ábyrgðaraðilum.

Samþykktarferlar eru lykilatriði í vöktun samninga og hægt er að skilgreina þá fyrirfram, bæta við aðilum í ferlið og jafnvel vísa í rýni til ytri notenda, s.s. lögfræðinga eða umsagnaraðila.

Leit, skýrslur og gagnsæi

Með Samningakerfinu fæst yfirlit yfir stöður, ábyrgð, tímamörk og fleira, í sjónarhornum GoPro. Full textaleit, skýrslugerð og síunarmöguleikar eiga við um samninga rétt eins og hefðbundin mál.

Lausnin uppfyllir SOX (Sarbanes Oxley Compliance) viðmið og almenn viðmið um góða stjórnunarhætti, þar sem gögn liggja að baki ákvörðunum ásamt skjalfestum upplýsingum um ábyrgðaraðila. Gæði samninga eykst og tryggt er að eingöngu séu nýtt viðurkennd stílsnið við samningagerð. Breytingar og samþykktir eru vistaðar rafrænt, með öflugri útgáfustýringu samninga út líftíma þeirra.

Samningakerfi

Auðveldari skráning

Öflugt eftirlit

Leit, skýrslur og gagnsæi

Hafðu samband — 510 3100