Þjónustugátt

Gefðu viðskiptavinum þínum greiðan aðgang að þjónustu og upplýsingum um mál sem þeim tengjast.

Innskráðir aðilar geta sent inn erindi og fylgst með framgangi mála sinna. Þjónustugáttina má nota á ýmsan hátt, en hún er til dæmis notuð sem vefsvæði fyrir íbúa í sveitarfélögum, umsóknargátt fyrir óháða verktaka hjá eftirlitsstofnunum og sem upplýsingaveita innan fyrirtækja.

Persónuleg innskráning veitir aðgang að þjónustu og upplýsingum
Innsend eyðublöð stofna sjálfkrafa mál í GoPro kerfinu
Auðvelt að bæta við þjónustum og eyðublöðum
Léttir á álagi þjónustudeilda
Eykur afgreiðsluhraða og upplýsingaaðgengi
Aðgengi í snjalltækjum

Þjónustan á netinu

Aðgengileg þjónusta, hvar og hvenær sem er. Vefgáttina má skoða í snjallsímum, á spjaldtölvum og í tölvu, hvar sem internet aðgangur er til staðar.

Þjónustugáttina má setja upp á mismunandi vegu eftir þörfum, til dæmis fyrir samstarf við ytri aðila eða sem þjónustusvæði viðskiptavina. Ytri aðilar fá aðgang að þeim upplýsingum, gögnum og þjónustuleiðum sem tengjast þeim og geta fylgst með framvindu sinna mála.

Gögn flæða beint í GoPro

Með þjónustu á netinu flæða upplýsingar og fyrirspurnir beint inn í kerfið.

Notandinn sendir inn rafræn form, sem stofna svo fyrirfram skilgreind verkferli í GoPro. Það sér til þess að rétt verklag fari sjálfkrafa af stað, hvort sem um er að ræða einfalda fyrirspurn, pöntun eða þjónustubeiðni, eða ítarlega rafræna umsókn. Viðhengi geta fylgt umsóknum.

Þjónustugáttinni fylgir formasmiður sem leyfir þér að útbúa nýjar umsóknir eða fyrirspurnir á einfaldan hátt.

Einfaldar vinnu

Með rafrænni tengingu eykst sjálfvirkni í meðhöndlun fyrirspurna, umsókna og pantana. Ekki þarf lengur að skrá handvirkt inn upplýsingar og ytri notendur geta sjálfir athugað stöðu mála sinna þegar þeim hentar.

Með gáttinni er auk þess auðvelt að deila gögnum. Hvort sem skjölum mála er deilt sjálfkrafa, eða hverju skjali deilt sér, þá birtast þau undir innskráningu notenda sem hafa aðgang að viðkomandi máli. Sjálfvirkar áminningar geta látið vita ef ný gögn bætast við, eða ef staða máls breytist.