Metnaður, framsækni
og traustur rekstur

Hugvit þróar og þjónustar mála- og skjalastjórnunarkerfið GoPro

Hugvit hefur náð frábærum árangri á þessum markaði, bæði innanlands sem erlendis. Við höfum unnið með hundruðum viðskiptavina um allan heim og búum yfir tveggja áratuga reynslu. GoPro vörurnar eru í stöðugri þróun og hafa haldið yfirburðastöðu meðal þeirra fyrirtækja og stofnana sem nota upplýsingastjórnunarkerfi, svo sem World Bank í Washington, Oxford Háskóli í Bretlandi, öll ráðuneyti íslenska stjórnarráðsins, Landsbankinn, Landsvirkjun, Fjármálaeftirlitið, Matís, ofl.

Hugbúnaður okkar hefur hlotið ýmis verðlaun og viðurkenningar í gegnum árin, meðal annars Nýsköpunarverðlaun Rannsóknar- og Útflutningsráðs, Útflutningsverðlaun Forseta Íslands og IBM Lotusphere Best in Show verðlaunin 2008, ásamt Beacon verðlaunum fyrir framsæknustu hugbúnaðarlausn sama árs. Hugvit hf hefur hlotið viðurkenningu Creditinfo sem Framúrskarandi fyrirtæki á hverju ári, frá árinu 2010.

Hjá Hugviti starfa um 60 sérfræðingar á sviði sölu, ráðgjafar, kennslu, þjónustu, þróunar og aðlögunar á GoPro fyrir hin ýmsu tækniumhverfi sem viðgangast í dag. Um 95% starfsmanna eru háskólamenntaðir og hafa ráðgjafar og verkefnastjórar okkar þar að auki margvíslegar vottanir frá Microsoft og IBM.

Hugbúnaðarþróun í samvinnu við íslenska viðskiptavini er lykiláhersla í starfsemi Hugvits og við státum okkur af því að leggja ávallt mikinn kraft í þróun til að mæta kröfum framtíðarinnar.

Við byggjum starfsemi okkar á öryggi, trausti og heiðarleika og höfum það sem okkar leiðarljós.

– Ólafur Daðason, framkvæmdastjóri

Stjórn Hugvits

Helga Ingjaldsdóttir

Helga Ingjaldsdóttir er einn upphaflegra stofnenda Hugvits og hefur yfir 20 ára reynslu í íslenska hugbúnaðargeiranum. Hún stýrir fjármálum fyrirtækisins og er Cand.oecon í viðskiptafræði og fyrirtækjastjórnun.

Helga IngjaldsdóttirMeðstjórnandiLinkedIn
Eggert Claessen

Eggert Claessen er framkvæmdastjóri íslenska nýsköpunarsjóðsins Frumtaks. Hann hefur doktorsgráðu í viðskiptafræði og víðtæka reynslu af frumkvöðlastarfsemi, bæði sem fjárfestir og leiðbeinandi fyrir sprotafyrirtæki.

Eggert ClaessenStjórnarformaðurLinkedIn
Hálfdan Karlsson

Hálfdan hefur starfað í upplýsingatæknigeiranum s.l. 30 ár á Íslandi, í Bandaríkjunum og Bretlandi. Hans sérsvið er viðskiptahugbúnaður og greiðslumiðlun. Hálfdan situr í stjórn Frumtaks og starfar hjá Valitor hf.

Hálfdan KarlssonMeðstjórnandi

Almennar upplýsingar

Hugvit hf. 
Tunguháls 19
110 Reykjavík
Sími: (+354) 510 3100
Þjónustusími : (+354) 510 3200
Símbréf: (+354) 510 3110
Netfang: hugvit@hugvit.is

Kennitala 661196-2119
VSK númer 52657
Hugvit hf. er skráð hjá Hlutafélagaskrá.

Hugvit vinnur með ýmsum samstarfsaðilum að markaðssetningu, sölu og dreifingu vara utan landsteinanna.

Hér erum við

Styrkir og samfélagsmál

Hugvit hefur það að stefnu sinni að styrkja eitt málefni á ári og er það valið fyrir jólin. Jólin 2014 varð félagið Umhyggja fyrir valinu, sem styrkir langveik börn og fjölskyldur þeirra. Góðgerðarfélög eru vinsamlegast beðin um að senda tölvupóst á styrkur@hugvit.is til að komast á listann okkar. Starfsmenn fyrirtækisins taka þar að auki þátt í ýmsum átökum, svo sem Mottumars, Lífshlaupinu og Hjólað í vinnuna.

Mannauður Hugvits er okkar dýrmætasta auðlind og leggjum við því ríka áherslu á stuðning við heilbrigt líferni og jafnvægi vinnu- og fjölskyldulífs. Sveigjanlegur vinnutími og fjarvinnumöguleikar koma til móts við þarfir fjölskyldufólks, en þar að auki styður fyrirtækið við íþróttaiðkun og endurmenntun starfsmanna.